Croes ta desmenti retiro directora di Asuntonan Social

ORANJESTAD – Ningun momento a retira directora di Asuntonan Social Lenny Geervliet. Asina e Minister di Asuntonan Social Paul Croes, a refuta un declaracion den un medio (no a bisa cua) anteriormente den un comunicado dialuna. E medio lo a bisa cu Geervliet lo a haya su retiro. Pero segun Croes, Geertvliet a simplemente baha cu pensioen despues di a yega e edad di pensioen. “El a scoge pa un otro reto pa e siguiente añanan,” Croes a sigura den e comunicado. E mandatario ademas a mustra, cu e tin simpatia pa e ex directora su aporte na e maneho social di Aruba. "Mi ta respeta e decision aki y ta contento cu sra. Geertvliet lo sigui apoya e tereno social,” e mandatario a finalisa bisando. E noticia di retiro a bin, despues cu e mandatario a manda un comunicado anteriormente, informando cu den 2016 lo ta buscando otro directora pa e departamento.