Studiantenan cu Arubalening mester busca nan informacion e siman aki

ORANJESTAD - Departamento di Enseñansa ta recorda e studiantenan cu a aplica pa Arubalening y cu recien a firma un overeenkomst studielening (contract di prestamo) pa studia na Hulanda pa pasa busca nan ticket (pasashi) diaranson dia 30 di juli na seccion Studiefaciliteiten na Frankrijkstraat 3 na Eagle.

Aruba | Regio

E studiantenan cu a aplica pa Arubalening pa studia na Aruba of den Region, mester pasa Departamento di Enseñansa na Frankrijkstraat 3 na Eagle, diabierna dia 1 di augustus pa firma nan overeenkomst studielening (contract di prestamo).

Universidad di Aruba (UA)                            08.00 di mainta – 10.30 di mainta

Instituto Pedagogico Arubano (IPA)              10.30 di mainta – 12.00 di merdia

Colegio EPI                                                   13.00 di merdia – 14.00 di merdia

Regio (Corsou, USA, Costa Rica etc)           14.00 di merdia – 16.30 di atardi

Pa esnan cu ta bay studia den exterior

Tambe Departamento di Enseñansa a compila diferente documento cu informacion importante y diferente rekisito pa e grupo cu ta bay studia den exterior cu un Arubalening. Ta trata di informacion tocante Uitschrijving na Bevolking, entrega di ZorgPas di AZV y lista di documentonan importante entre otro:

-Uitschrijving na Bevolking

-Entrega di ZorgPas

Pa esnan cu ta bayendo Hulanda por haya tambe informacion di vuelo, yegada y algun regla y palabracion cu tin cu entre otro Aruba Airport Authority, KLM y Arubahuis pa tur cos por cana bon: