Polis en busca di Alex Rojas cu ta perdi for di siman pasa

ORANJESTAD – Polis ta en busca di un persona perdi for di 31 di december ultimo. Y mirando cu rond di e mesun fecha, tin un caso di un persona (identifica solamente como masculino) cu a wordo haya carbonisa, pero no por identific'e, ta normal cu lo por ‘link’ e persona aki cu esun perdi. Mientras cu polis ta considera esaki como un pregunta logico, polis mesora a reacciona riba esey. “E team investigativo kier bisa adelanta, cu nan no por link e persona aki ‘ainda’ na e caso di e curpa haya kima den e auto na Franse Pas.” Ademas e team ta bisa cu “E caso ey ainda ta bou di investigacion, en espera di e resultadonan di e laboratorio forensico di Hulanda.”

DATOS

E persona mientrastanto cu a wordo raporta como perdi ta un Colombiano di Cali, cu yama Alex Orlando Rojas Paz, (37). E ta midi 1 meter 75 y ta delega y ta muscular. E ta papia tanto Papiamento como Spaño. E tabata bisti cu un polo shirt preto, bermuda short berde scur, y ultimo biaha cu famia a wak e, ta dia 30 di december pa 11:30 pm na Noord 44C. Si bo wak e of sa unda e ta, yama 100, 911, tiplijn di polis 11141 of Telefoon 565-0673 / 569 4661.