Creador di Facebook kier traha robot personal como resolucion di 2016

LOS ANGELES – Mientras cu e persona ‘regular’ tin como resolucion di aña nobo porta pa baha peso, limpia cas mas hopi of algo asina simpel, e creador di Facebook Mark Zuckerberg, a pone como su resolucion, crea un asistente artificial cu tin cu yud'e na cas. Un robot. Asina Zuckerberg ta skirbi riba su pagina di Facebook.

INTELIGENCIA ARTIFICIAL

Zuckerberg kier crea un ‘robot simpel inteligente’, cu por yud'e cu e cosnan di ‘tur dia’. Prome tarea ta pa investiga ki tecnologia ta disponible caba, y despues e kier pa e siña e computer pa reconoce su voz y reconoce tareanan specifico. Mi lo siñ'e, pa laga mi amigonan drenta mi cas, si e reconoce nan cara ora cu nan primi e bel. Mi lo siñ'e, pa laga mi sa ora cu algo pasa den camber di Max (su yiu).

RESOLUCION ANUAL

Tur aña Zuckerberg ta pone metanan su dilanti cu e kier cumpli cu ne. Nan ta metanan ‘grandi’. Entre nan, lesa 2 buki tur luna y topa un hende nobo tur dia. Awor, su meta pa 2016 ta pa crea su propio robot.