Fuikdag mas trankil cu normal pero cu hopi ambiente

WILLEMSTAD – Conoci como en fiesta riba lama mas grandi na Corsou, Fuikdag a atrae centenares di bishitante cu nan boto e aña aki atrobe. Mientras cu Corsou ta e anfitrion, e biaha aki parce cu Aruba a luci un biaha mas cu su presencia. Botonan manera BZN, Cybul, Krystal, y Tara di Aruba tabata e centro di atencion. No obstante cu e conocido DJ Chuckie tabata anima, esnan cu a hala mayor atencion tabata di Sulegria cu a impone e ambiente sigur. Botonan di Corsou manera Big Papi, Mary Ann y Fayad tabatin zonido perfecto, segun esnan presente. Presente tabata Lil Kleine, Leroy Styles, Nutzbeats (di Aruba) y Dongo. Un cantidad grandi di celebridad tambe tabata presente, for di Gerard Joling, Edgard Davids te na Andruw Jones. Esun cu tambe sigur a hala atencion tabata e biyonario Hulandes Marcel Boekhoorn (Balora na 1.3 biyon dollar) riba su yate Deniki.

RELATO DI AUTORIDAD

E dia a progresa hopi trankil, unda cu segun Kustwacht, cu apenas 2 detencion (buracheria y falta di respet na autoridad), y tumamento den beslag di dos jetski, e tabata un di e Fuikdagnan, mas trankil di tur tempo. Posiblemente e lista largo di regla impone pa autoridad, lo a pone cu esaki a bay mas trankil cu normal. Hasta un chiste tabata core rond cu e ‘afpakteam’ lo a bay haci ‘inval’, unda cu hopi doñonan di boto lo mester a duna cuenta di unda nan a ‘haya’ nan boto.