Homber a muri den accidente cu waverunner na Bucuti

ORANJESTAD - Un homber awe tardi a accidenta cu su waverunner y muri algun rato despues. Tabata diadomingo atardi, ora cu e tabata core cu su waverunner pariba di Bucuti jachtclub, ora cu el a dal den un cabuya di un otro boto. Mientras cu investigacion lo tin cu determina e causa exacto, informacion cu polis tin ta cu velocidad halto lo a hunga un rol den e caso aki. Segun vocero di polis Lito Lacle, dokter Anthony a constata morto pa 7:07pm di Jarino Toppenberg (38). Na nomber di Maritieme Politie, a pidi pa recorda tur esnan cu ta practica e deportenan acuatico, cu e velocidad pa maneha cualkier vehiculo acuatico entre 0 y 50 meter di costa di Aruba, ta 10km pa hora. NoticiaCla.com ta manda palabra di condolencia na famia di e fayecido. E foto di portada ta di archivo di e victima riba su waverunner.