Aruba tin su prome baby di aña

ORANJESTAD - Aruba tin su prome baby pa 2016. Den careda di 3'or di marduga Jacob Thiel a nace, y bira asina oficialmente e prome baby di aña 2016. Su mama orguyoso Arylin Santander(15), y tata Julien Thiel tabata contento cu nan prome baby. Jacob, ora di nacemento, a midi 52 cm di largura y tabata pisa 3420 gram. E mama hoben a conta NoticiaCla.com, cu e parto a bay bon, sin problema. Baby Thiel a nace di un parto natural, door di partera Michael Quandt di Baby Love. E mayornan no a spera e baby nace asina pronto, pero ta hopi contento y masha orguyoso di por habri aña 2016 cu un miembro nobo den famia.

DI DOS BABY DI AÑA

E di dos baby di aña 2016 a nace pa 4:23am, tambe cu un parto natural y tin un peso di 3045 gram y un largura di 48cm. Su nomber ta Adele Diana Faith Benita y ta e prome yiu di Kinziah Rodriguez y Rudolf Benita. Baby Adele tambe a wordo atende door di partera Michael Quandt.

DI TRES BABY DI AÑA

E di tres baby, a nace net un rato despues pa 4:55 y ta un mucha homber cu un peso di 3565 gram y largura di 52cm. Su nomber ta Elijah Patino y e tin un ruman homber di 6 aña cu yama Kayden. Elijah ta e di dos yiu di Diana Torres Paez y Gustavo Patino.

ULTIMO BABY DI AÑA

E ultimo baby di aña 2015 ta un mucha muher cu a nace pa 7:35pm, cu un peso di 2590 gram y un largura di 49cm, pa via di un parto natural door di Akil Arrindell di Futuro Bambino.

GRADICIMENTO

Un danki grandi ta bay na zuster S. Jagernath y zuster O. Croes na departamento di Verlos. E miho deseonan pa e babynan y nan famia di parti di Dr. Horacio E. Oduber Hospitaal. Pabien Aruba cu e prome babynan di aña! NoticiaCla.com ta felicita e pareha Thiel/Santander cu e prome baby di aña.