Aruba ta conoce su di 12 morto di trafico prome cu tiro

ORANJESTAD - Faltando 3 ora y mei pa bisa aña 2015 ayo, Aruba ta conoce su di 12 morto den trafico. Vocero suplente di polis Liliana Rasmijn, a confirma pa NoticiaCla.com cu tabata den careda di 10 pasa di 7'or, ora cu un dalmento entre varios auto (un Chevrolet Avea y un BMW) na cruzada di Yucuri, un dama a keda asina grave herida, cu el a fayece finalmente debi na e heridanan. Paramediconan a purba traha pa reanima e dama (chauffeur di e Chevrolet), pero esaki tabata envano. Pa cuarto pa nuebe, dr Andriaansen a constata morto di Nichurca Leoni Silvania (44), naci na Corsou y biba na Yucuri 60. Fuera di e dama cu a fayece, tabatin mas herido. Entre nan e chauffeur di e otro auto, cu segun informacion di polis, ta gravemente herida y ta den cuido intensivo. NoticiaCla.com ta manda palabra di condolencia na famianan di e fayecido.