Fever dilanti misa na Playa a laga herido y hopi patruya policial

ORANJESTAD - Diahuebs atardi dilanti misa di Playa, un incidente a sosode ora cu motorciclenan, cu tabata haci fever, a alcansa un peaton cu a keda herida y mester a wordo transporta pa hospital. Cos no a caba ey, y esnan eynan a keda haci fever mas y mas, unda cu por lo menos 8 pa 9 patruya mester a acudi pa asina purba controla e situacion. Pero cada bes esnan riba motorcicle tabata reta polis mas y mas. Y asina mas hende a keda aglomera. Poco poco polis a logra cera riba nan, pa controla e situacion finalmente.