Free parking na Playa ta continua te dia 2 di januari 2016

ORANJESTAD - Aruparking a informa cu dia 31 di december 2015, lo ta e ultimo dia, cu lo tin free parking pa e aña aki. Alavez a anuncia cu dia 1 y 2 di januari tambe lo tin free parking den centro di ciudad en coneccion cu e dianan di fiesta venidero. Nan ta spera cu tur hende por tuma bon nota di esaki y tambe kier a splica un biaha mas, cu e machinenan lo traha normal, mirando cu cualkier persona bai pa tira placa den e machinenan, esaki lo tum'e normal y saca un recibo. Pa e motibo aki nan kier pa tur hende ta bon na altura cu lo tin 'Free Parking' e dianan venidero pa nan no mester bai tira placa, sin cu mester den nan parkeermeternan.

Aruparking kier a avisa tambe, cu nan oficina lo cera dia 31 di december 2015 pa 11:30 am y tambe lo ta cera dia 2 di januari 2016. Nan oficina lo ta habri atrobe riba dialuna 4 di januari 2016 manera custumber.

Tambe Aruparking kier a tuma e oportunidad aki, pa desea Aruba completo un aña 2016, cu hopi dicha y prosperidad y cu tur boso deseonan wordo cumpli. Esaki ta deseonan di gerencia, staff y personal di Aruparking.