Accidente di trafico fatal awenochi na Corsou

WILLEMSTAD - Diamars anochi alrededor di 8'or y 25, Central di Polis a dirigi un unidad policial na Kaminda Hensley Bam Bam Meulens, pa un accidente frontal entre dos auto di famia. For di investigacion preliminar na e sitio, a sali na cla, cu chauffeur di un di vehiculonan, pa un motibo te ainda desconoci, a bai resulta riba banda contrario y a dal frontal contra un vehiculo cu tabata bin for di direccion contrario. Dor di e impacto aki, e ocupante di un di e vehiculonan a bin fayece na e sitio mes, a consecuencia di slanan cu e la ricibi. Docter cu a presenta na e sitio, a constata morto di e victima. Chauffeur di ambos vehiculo a sufri lesion y mester a keda transporta cu ambulance pa policlinica. Personal di Departamento di Trafico ta continua cu e investigacion.

Nota; Cuerpo policial no a manda identidad di e victima di trafico ainda. Pues nan no ta dispone di e nomber oficial ainda. Detaye adicional ta, cu aparentemente ta 2 ruman a dal frontal y uno a fayese, mientras e otro a keda detene pa core vehiculo bou di influencia di alcohol y tambe core iresponsablemente, cu morto como consecuencia. Ta wardando confirmacion al respecto.