Metacorp cla pa cende su grandioso pagara traditional di fin di aña

ORANJESTAD - Manera ta un tradition caba pa añanan largo, MetaCorp ta cla pa cende su grandioso y traditional pagara di fin di aña. Dicho pagara a bira parti di e celebracion, como esun di mas traditional na Aruba. E pagara, cu lo wordo cend'i riba L.G. Smith Boulevard, ta dedica na henter e pueblo di Aruba. MetaCorp ta un compania enorme y sigur a cosecha diferente exito den aña 2015. E traditional pagara di 6 miyon tiro, lo wordo cendi riba diahuebs 31 di december, pa exactamente 1'or di merdia. E pagara ta cuminsa dilanti di The Cinemas na Renaissance Marketplace y ta termina dilanti di Louis Vuitton na Renaissance Mall.

INVITACION

MetaCorp ta manda un invitacion pa henter pueblo di Aruba, pa bin celebra e clausura di aña, diahuebs 31 di december, pa admira y yama aña 2015 ayo, cu e grandioso pagara, riba ritmo di dande, pa asina core cu tur e fucu nan y yama aña 2016, bon bini cu yen di suerte, exito y salud. Gerencia di MetaCorp ta desea henter pueblo, y specialmente tur empleado un feliz aña 2016!