Parlamentonan di Reino ta trata geschillen regeling otro siman atrobe

ORANJESTAD – E tema ‘cayente’ di ‘areglo di conflicto’ o sea ‘geschillen regeling’ lo wordo trata otro siman atrobe, entre parlamentonan di e 4 paisnan di Reino Hulandes. E reunion bi-anual ta tuma luga na Sint Maarten riba dianan 4 y 8 di januari 2016. Riba e agenda tin un cantidad di tema, cu e cuatro parlamentonan hunto a scoge pa papia di dje. Y ta durante e reunion aki, lo trata e topico ariba menciona. E ta un topico cu constantemente ta keda discuti, sin cu por haya otro riba e tema. 

TEMANAN PA DISCUTI

Entre e temanan riba agenda, tin e tema di cooperacion economico entre e cuatro paisnan, e posibilidad pa biaha entre Aruba, Corsou y Sint Maarten cu un carchi di identificacion oficial (=ID of Cedula), e posibilidad pa crea un area di "roaming" comun via internet, e problemanan cu studiantenan tin durante di nan estudio na Hulanda. Tambe tin e temanan 'pisa', manera e conseho di Raad van State riba intervencion di Hulanda den asuntonan di Aruba, Corsou y Sint Maarten y e 'areglo di conflicto' (geschillen regeling), cu Aruba tin ya hopi aña ta boga p'e. Ultimo te hasta fraccion di AVP a rechasa e oferta, cu Minister Ronald Plasterk a bin cu ne durante su bishita na Aruba, unda cu e kier a crea un tipo di regeling temporal, cu e mesun meta pa resolve problema. Pero e partido su lider di fraccion a rechasa esaki y a bisa cu e no ta pro pa esey. 

FRECUENCIA DI REUNION

E reunionnan ta tuma luga dos biaha pa aña. Un biaha na Hulanda y un biaha na un di e tres paisnan: Aruba, Corsou of Sint Maarten. Durante di e siman aki, lo duna mas informacion riba e reunionnan aki. Ora bolbe, lo duna informacion detaya di e reunionnan.