Campaña “Gold Rush” di Raspa Y Gana a saca nombernan ganado

ORANJESTAD - Despues cu a cuminsa cu e campaña riba 2 di october 2015, e campaña a ser extende, a peticion di rebendedonan di Lotto mes, pa 18 di december. Ayera durante e sorteo di Merdia di Lotto, a saca e tres nombernan ganado di e campaña: Gana e Vakantie di Bo Sonjo cu "Gold Rush”. Durante e campaña mester a pega dos ticket no-ganado di e Gold Rush na otro y deposita esakinan cerca un rebendedo.

NOMBERNAN GANADOR

Dialuna 28 di december 2015, a saca e tres nombernan ganado durante sorteo di Merdia, na Telearuba. Prome premio, e vakantie di bo soño na balor di 10 mil florin, a wordo gana pa Beatriz Angela, na Pindastaat 43. E di dos premio ta 4 tickets ida y vuelta pa Puerto Rico cu Insel Air, a ser gana pa Dwyde Wesbaru na Sabana Basora 191. E di tres premio, 500 florin CASH, a wordo gana door di Melony Kock na Weg Seroe Blanco.

PALABRA DI PABIEN

Palabranan di pabien ta bay un biaha mas, na e tres ganadonan di e campaña exitoso di “Gold Rush” di Raspa Y Gana. Mester bisa cu e wega mes ta keda riba mercado y e dos premionan grandi di 100 mil florin cada un, no a ser gana ainda. Pues sigui raspa pa bo por gana un premio record, cu e wega aki di Raspa Y Gana, esta Gold Rush.

WEGANAN DI LOTTO

Lotto, e loteria di Aruba tin 8 diferente wega; Catochi, Big 4, Zodiac, Wega di Number Korsou Lotto di Dia, Lotto 5, Mini Mega, y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.