Intencion ta pa gobierno lease refineria pa 15 pa 25 aña cu CITGO

ORANJESTAD – Mientras cu gobierno a anuncia siman pasa, cu nan a firma un ‘heads of agreement’ ,cu e compania CITGO pa posibel reapertura di e refineria, no ta cla ainda, si den caso cu CITGO tuma over, y ken ta responsabel pa e posibel ‘limpiamento di tereno y of desmantelacion’ dado caso CITGO stop di opera e refineria. Asina Minister di Energia Mike de Meza, ta bisa Caribisch Netwerk. “Riba esey nos ta negoshando ainda,” e mandatario a bisa e momento ey. E contesta ta importante mirando, cu ta e intencion di gobierno pa bira doño di e refineria. “Riba esey tin cu negosha ainda cu Valero,” e mandatario a bisa.

LEASE DI 15 PA 25 AÑA

E intencion ta pa CITGO lease e refineria for di gobierno di Aruba, pa un periodo di entre 15 pa 25 aña, cu e opcion pa extende esaki pa 10 aña mas. Pa loke ta e idea pakico gobierno a opta pa e plan pa tuma e refineria over y lease esaki cu CITGO, ta algo cu a surgi for di e combersacionnan entre CITGO y gobierno. E tabata un di 5 opcionan riba mesa. No ta conoci kico e otro 4 opcionan ta.

REFINERIA BERDE

E intencion ta tambe pa comberti e refineria aki den uno mas berde, y tin cu pensa aki cu nan por pasa pa usa gas, como e ‘metodo' pa combustibel pa e facilidad di refineria.

Colaboracion Caribisch Netwerk y Ariën Rasmijn.