Boston ta perde pero Xander Bogaerts tin su di 8 homerun

BOSTON – Aunke cu Toronto Blue Jays ta gana Boston Red Sox 4-2, e astro di Aruba Xander Bogaerts ta saca cara atrobe y ta dal su di 8 homerun di temporada den e wega diamars anochi. Den e wega aki Bogaerts a bati di 4-2 y a dal un homerun y un double. E la poncha dos biaha tambe. Su homerun a bin den di 9 inning cu 0 out y ningun hende na base. E anja aki cos no ta nada bon pa e campeonnan mundial ya cu nan ta milita na di ultimo lugar di nan division (American League East) cu 48 wega gana y 59 perdi y a perde nan ultimo dos wega. Xander Bogaerts su temporada no ta esun di miho, pero si ta continua cu su esfuerso pa logra toch saca cara di e team y mantene su numbernan halto pa e por tin toch un bon temporada personalmente. Esaki ta Bogaerts su prome temporada cu e la cuminsa cu Red Sox. Anja pasa e la drenta na final di e temporada y a saca cara durante e serie mundial ora cu Boston Red Sox a gana e titulo maximo. E potretnan ta mustra Xander Bogaerts durante y despues di su di 8 homerun.