Caso di asesinato registra na Blanquillaweg na Corsou

WILLEMSTAD - Awe mainta, un caso di asesinato a keda registra na Blanquillaweg na Corsou. Di acuerdo cu investigacion preliminar, un Hyundai Getz a core yega pa baha 2 persona na e cas na Blanquillaweg, momento cu nan a keda sorprende pa 4 homber, cu a sali y cuminsa los varios tiro riba e 3 ocupantenan di e Getz. E chauffeur di e Getz, cu a keda identifica dor di famianan como V Scholtz (rapper), a ricibi diferente herida di bala y a fayese na e sitio mes. Dokter di polis, Dr. Maduro a constata morto di e victima. Un otro ocupante di e Getz tambe a haña bala, pero a core duro y a bai sconde den cura di un garashi pega cu Napa na Rooseveltweg. Ambulance a transporta e victima ey cu urgencia pa policlinica pa tratamento medico. E di 3 persona den e vehiculo, a sali ileso despues cu e a logra drumi abou pa nan no wak'e. Polisnan tin e PD cera y ya THOD a conta mas di 30 huls na e sitio. Fiscal di Ministerio Publico a laga confisca e curpa pa mas investigacion den e caso.