Hoben Gregory Falconi localisa leu di cas!!

ORANJESTAD - Polis a informa un rato pasa, cu a localisa e hoben Gregory Falconi (13) sano y salvo, pero leu foi cas. Segun vocero di polis Liliana Rasmijn, ta danki na un chauffeur atento di Arubus, a localisa e hoben special na altura di Bubali Plas den e rooi. E famia a manda palabra di danki na mariniers/ brandweer/Rode Kruis/ y comunidad di Aruba y polis cu tabata busc'e di tempran manera cu e melding a drenta. A compronde cu e mama ya ta na caminda pa busca e yiu homber, hunto cu Rode Kruis cu lo check e estado medico di e hoben. 

E BUSKEDA

Tabata awe mainta trempan cu a bati alarma pa Falconi, cu a sali for di su cas na Wayaka 59, den careda di 3'or awe marduga. E famianan tabata mas preocupa mirando cu ta trata di un hoben special. Danki Dios e desenlace tabata positivo.