Polis a resolve atraco di Flores supermarket den mei ora!

ORANJESTAD - Bon trabou lihe di polis, a pone cu den apenas mei ora, cu 4 persona a atraca un supermercado, nan a wordo deteni, completo cu e placa horta y arma cu bala. Tabata algo despues di tres or, cu 4 persona den un Hyundai preto, a yega na supermercado Flores na Seroe Patrishi, cu intento pa atraca e supermercado. Tres persona a drenta, di cual un tabatin arma di candela. Despues di e atraco, tur cuater persona a huy den e auto, pero ya dentro di mei ora, polis tabata riba e pista. Na altura di Tanki Leendert 67-A , un patruya di trafico a detene e personanan aki. Ora cu a bay ristra den e auto, a bin haya e botin horta, hunto cu e arma di candela cu tabatin bala aden. Ta trata di cuater persona latino, 3 Venezolano, di cua 2 ta ilegal, y un Dominicano. Tur a wordo encarcela na warda di Sta Cruz.