Advertencia di biento duro pa Aruba te awe tardi

ORANJESTAD – Servicio meteorologico a duna un ‘advertencia di biento duro’ en efecto di 10’or awe mainta, te awe tardi 6’or pa full Aruba. Esaki ta nifica, cu un area di presion halto riba mar atlantico y un area di presion abou na Colombia, lo mantene diferencia grandi di presion den nos area y asina, crea aumento di biento fuerte y duro.

FORZA DI BIENTO

E direccion di biento lo ta oost cu 20 nudo y ta anticipa cu ta rafaga te 35 y 40 nudo.

ACCION DE PRECAUCION

Usuarionan di lama, ta wordo urgi pa tene cautela riba lama. Mara obhetonan cu ta los, pasobra nan por bula rond dor di e biento asina fuerte. Turistanan no mester bai leu den lama, especialmente entre banda costanan parti noord y oost. Adicionalmente, tambe keda alerta entre waf y Manchebo beach hotel.