Homber herida di caida na Valero, transporta pa Colombia

ORANJESTAD - E homber, cu diabierna marduga a cay for di un lifter, durante trabou riba un tankero na Valero, a wordo transporta pa Cali, Colombia, awe marduga pa mas tratamento. Esaki a keda confirma pa vocero interino di polis, Liliana Rasmijn, na NoticiaCla.com. Situacion di  e homber ta sigui serio. 

E CASO MES

E trahado di Valero, cu a cay for di un lifter diabierna marduga, tabata bringando pa su bida algun ora, despues di tabata envolvi den e accidente. Vocero interino di polis, Liliana Rasmijn, a confirma pa NoticiaCla.com, cu su situacion tabata hopi critico. Den careda di 2’or di diabierna marduga, centrale post a haya melding cu e homber Arubiano (58) di fam F, a cay for di un lifter (trapi hidrolico), ora cu e tabata trahando riba un barco na waf di Valero. E cabuya a kibra y bin abou cu ne cu e presion.

SITUACION MEDICO TA CRITICO

Segun Rasmijn, e persona aki a kibra su craneo, cacumbein, su man y su dos pianan. “E ta hopi critico den ICU (Intensive Care Unit), y ta teme pa su bida,” Rasmijn a sigui bisa. Lo ta trata di un persona, cu tin hopi tempo ta traha na e refineria.