Ex griffier a perde caso contra parlamento

ORANJESTAD - Corte a dicta sentencia awe mainta, den e caso cu e ex griffier di parlamento, Jacqueline Sherman, a entama. Den e sentencia, huez a dicta, cu e retiro di e ex griffier tabata hustifica y como tal a duna parlamento rason den e caso aki. Presidente di Parlamento, Marisol Lopez Tromp, a confirma esaki y a bisa, cu e ta contento cu e noticia aki, aunke e por zona duro cu ta kita hende. Na februari proximo e, mr. Herman Hek, ta cuminsa su funcion como e griffier nobo di pais Aruba. E motibo cu huez a duna pa su veredicto, ta e gravedad y sorto di incumplimento cu su obligaccionnan como e ex griffier, y cu e tempo cu e tabata poni riba 'no activo', e no a actua mas liher pa cu su caso. Mientras cu ta un situacion fastioso, e cargonan contra e ex griffier ta pisa mas, y como tal ta rechasa e demanda di e ex griffier. Pa un miho comprension di e caso, lesa e sentencia aki. Por a compronde den combersacion anterior cu e abogado di e ex griffier, cu lo apela e sentencia aki.