Awe Bonaire ta dicidi futuro cu Hulanda via referendum

KRALENDIJK – Awe, pueblo di Bonaire ta laga sa, si nan ta sigui cu Hulanda, y mas importante, si nan ta di acuerdo, cu e manera a duna contenido na laso directo cu Hulanda, for di 10-10-2010. Riba esaki, e pueblo por vota solamente SI of NO. Esnan cu vota SI, ta nifica cu nan ta di acuerdo, pero esey no ta nifica, cu semper nan tabata di acuerdo cu tur cos. Si vota NO, kiermen cu no ta di acuerdo, cu e manera cu a duna e contenido na e laso cu Hulanda.

CONSECUENCIA DI OPCION

E opcion, cu tin mas consecuencia obviamente, ta esun NO, unda cu esey lo nifica, cu gobierno di Bonaire, tin cu bay negosha cu Hulanda riba un forma nobo, con lo bay duna contenido na e laso directo cu Hulanda. “Tuma nota cu e laso directo cu Hulanda no ta topico di negosacion cu Hulanda,” segun e website di e referendum. Den e caso di un NO, tambe gobierno Hulandes ta keda, por lo pronto, responsabel pa Bonaire. Tampoco un posibel paro, di entre otro ayudo, no ta al caso e ora ey.

RESULTADO

E resultado di e referendum tin solamente nificacion interno pa Bonaire. No a fiha un porcentahe di cantidad di hende, cu mester bay vota pa e referendum ta valido. Esey no tin un efecto riba e valides di e resultado. Loke ta importante ta, cu ta trata di un votacion liber pa adultonan di e pueblo. Den e caso, cu por ehempel 40% di hende cu derecho di voto a vota, un cantidad di menos cu mitar di esaki por ta decisivo. Por lesa tur info riba e referendum aki. 

Scucha entrevista cu gezaghebber di Bonaire Edison Rijna aki.