Ultimo siman pa deposita bo tickets no-ganado di Gold Rush

ORANJESTAD - Un fin di luna, cu tremendo premio, ta locual Lotto ta ofreciendo na su clientenan, cu tin un tickets no-ganado di e wega popular di Raspa y Gana, esta Gold Rush. Esaki ta e ultimo siman, pa bo entrega bo 2 tickets no-ganado, cerca cualkier rebendedo di Lotto, tur rond Aruba. Pa ser exacto, dia 18 di december ta e ultimo wega pa participa. Pues no perde e oportunidad aki y wak pa bo ticket, tambe ta den e tombola! E ganadonan di e 3 premionan fabuloso, lo wordo anuncia dia 28 di december, den corant, riba facebook, como tambe riba e web-site di Lotto, esta www.lottoaruba.com.

Con pa participa ta facil, just pega dos ticket no-ganado di Gold Rush bon na otro. Skirbi bo number/fam, adres y telefon patras di cada ticket y depositanan, cerca cualkier rebendedo di weganan di Raspa Y Gana of kiosco di Lotto. E prome premio, ta un gift certificate na balor di 10.000 florin, pa hinca e vakantie di bo soño den otro. Como di dos premio, tin 4 ticket, ida e vuelta, pa Puerto Rico cu Insel Air. E di tres premio, ta 500 florin CASH. Durante sorteo di Merdia, live na Telearuba, Canal 13, lo saca e tres ganadonan.

Lotto, e loteria di Aruba, tin 8 diferente wega; Catochi, Big 4, Zodiac, Wega di Number Korsou di Lotto, Lotto Di Dia, Lotto 5, Mini Mega y e weganan di Raspa y Gana. Cumprando Lotto, bo ta contribui na deporte riba nos isla. Meta di e fundacion ta, pa organisa loteria, cambia bida di su hungadonan y na mes momento, inverti den deporte local, pa medio di donacionnan na e comision di subsidio.