Gobernador St Maarten a firma ley pa eleccion nobo pa september 2016

HARBOUR VIEW – Gobernador Eugene Holiday di St Maarten, porfin a firma e decreto, cu ta disolve Parlamento actual y yama eleccion nobo pa 2016. Esey ta nifica, cu Gobernador a bay di e acuerdo, cu e amienda di Prome Minister nobo, William Marlin, di 29 di october ultimo, cu a pidi pa entre otro disolve Parlamento y yama eleccion nobo.

AMIENDA

Despues di evaluacion di e amienda, e Gobernador a firma e ley, cu ta nifica, cu por postula, pa e eleccion mas tarda 8 di augustus 2016, y lo tene eleccion dia 26 di september 2016, y lo disolve e Parlamento actual, riba 31 di october 2016. Cu e firmamento aki, e ta kita tur rumor y speculacion riba posibel eleccion tempran. Gobernador Holiday a bisa, cu ta spera cu esaki ta ofrece un resolucion balansa y sostenibel, pa cu e diferencianan di opinion y opinion publico. Mes momento, el a apela na miembronan di Parlamento, gobierno y comunidad pa uni forsa y traha pa atende cu e retonan, cu e pais ta confrontando, dirigi pa sirbi e interes di e pueblo di St Maarten.

Fuente: 721 news.. foto: 721 news