Lista di kavel pa carnaval 62 ta conoci

ORANJESTAD - E lista di hendenan, cu tin derecho, riba un kavel otro aña pa carnaval, ta conoci. E hecho, cu interes tabata abou e aña aki pa kavel, e proceso a continua, te cu a saca lista, di esnan cu tin derecho, pa un kavel otro aña durante carnaval. Na tur, a compronde, cu e total no a ni yega 8000. Pero esey NoticiaCla.com a raporta caba, ora cu a bisa, cu interes pa compra di kavel (tin 200 kavel disponibel) pa carnaval, ta abou e aña aki. Miembro di Management Team di Directie Infrastructuur en Planning (DIP), sra. Isabel Dammers, a confirma esaki pa NoticiaCla.com. A mustra, cu si pa carnaval 61, tabatin mas of menos 17.000 peticion na tur, e aña aki, esey a resulta hopi menos. Pa dia, mas of menos 1.600 peticion tabata drentando. Segun Dammers, e interes por ta abou, pasobra hendenan no ta den 'mood' di carnaval ainda, cu ta comprendibel. Ta temporada di pasco, y como tal, esey ta manda aworaki. E realidad ta, tambe cu antes, tabata tene e proceso di kavel, ora cu aña bolter. Den e caso aki, esey no ta posibel mas. Mirando, e tempo cortico di carnaval, mester a mantene e tempo segun e 'schedule', segun calculacion di DIP. Por lesa e lista completo di nombernan di esnan cu kavel, aki. 

'OTORGA' PERMISO 

Asina aña bolter, pa 9 di januari 2016, ta cuminsa 'otorga' e permisonan segun orden, cu tambe lo keda publica. Un siman despues, pa dia 16 di januari 2016, esnan cu tin un permiso pa kavel, lo por cuminsa instala nan mes riba e respectivo kavelnan. 

E PROCESO 

Tabata comienso di e siman aki, cu NoticiaCla.com, a trece e relato di e comienso di proceso di kavel. Na e ocasion ey, a mustra cu Directie Infrastructuur en Planning (DIP), a informa tur hende caba, di e reglanan cu tin rond di esaki. Entre e informacion, Dammers a confirma, cu pueblo, por a cuminsa cumpra, peticion pa kavel na DIP, entre dialuna 30 di november (dialuna ultimo) pa 4 di december. Diamars 8 di december, a saca e nomber di personanan, cu a bin na remarca pa un kavel. E tempo ta cortico, pero lo mantene na e 'schedule' di DIP, pa asina e proceso di kavel bai bon.