Abusadornan sexual di mucha condena na castigo di prison

ORANJESTAD - Corte den Prome Instancia a dicta awe, dos sentencia den casonan den cual ta trata di abuso sexual di muchanan.

CASO CU A SHOCK COMUNIDAD

Pa prome tin e caso cu a shock comunidad, di OC (Orthopedagogisch Centrum), den cual un groepsopvoeder (lider di grupo) di e instancia, cu ta duna guia na hobennan, e homber R.R.M. (47), a wordo condena pa un castigo incondicional di 3 aña. Ministerio Publico a persigui e groepsopvoeder, pa motibo cu el a comete abuso sexual varios biaha contra un cliente di OC, cu tabata cay bao su autoridad, den e periodo di prome di januari 2012 te 31 di juni 2013. Exigencia di fiscal tabata di un castigo di prison di tres aña y mey.

VEREDICTO CONTRA TRAHADO DI HOTEL

Corte a dicta awe tambe, den e caso contra e trahador di hotel O.K.G. (29), cu a wordo acusa di, riba 6 augustus 2014, a comete un biaha, actonan, cu tabata encera penetracion sexual di un turista di 15 aña di edad. El a wordo haya culpabel y condena pa un castigo di prison di 15 luna, di cual 5 luna ta condicional. E castigo aki ta conforme e exigencia di fiscal.