Ocean Z boutique hotel mester para operacion mesora

ORANJESTAD – Operadornan di e boutique hotel Ocean Z, esta Zizzu properties, mester para nan operacion mesora, y si no cumpli cu esaki, lo mester paga un multa di 25 mil florin, te na maximo di 10 miyon florin. Motibo di esaki ta, cu tanto e construccion pa e hotel y restaurant, ta ilegal. Esey huez a dicta awe mainta den un caso sumario. Abogado, mr. Lincoln “Dello” Gomez, a confirma na NoticiaCla.com, cu e paro di operacion mesora, ta por lo menos te dia 13 di januari 2016, ora cu corte dicta un proximo sentencia.

KEHO DI HABITANTENAN

Tabata un grupo di habitante di Malmok, cu a entama e caso, mirando cu e operacion di hotel tabata causa disturbio y no tabata na agrado di e calidad di bida di e habitantenan den besindario. Huez a cuestiona durante e caso, con por ta cu doñonan di Ocean Z por tabatin consehonan interno pa minister den nan poder. Algo cu no mester ta e caso. Keda pendiente pa mas informacion. (Por lesa e veredicto temporal aki)