Sticker envez di nummerplaat nobo pa 2016

ORANJESTAD - Oficina di impuesto, a presenta a stickernan cu automobilistanan ta ricibi, ora paga e belasting concerni pa ana 2016. E automobilista lo haya e sticker oranje rondo, ora paga pa kwartaal of pa seis luna, y lo haya e sticker berde rondo, ora paga e suma concerni den un solo tiro. E palabracion ta, cu mester pone e sticker oranje of berde riba e parti di windshield, cu ta riba e sticker di keuring di DTI . Y den e caso aki, e parti paden di e windshield. E stickernan vierkant, ta pa vehiculonan cu no tin e "A" den e plachi di number. E stickernan ta obtenibel entrante 16 di december. E suma cu ta paga na belasting, ta keda mescos cu e añanan cu ta tras di lomba y e plachi di number di aña 2015, lo keda balido, 'por lo pronto'. Si ta asina, cu pa motorciclenan lo no tin sticker, pero lo keda haci uzo di e sistema di plachi di number. Mester bisa cu e stickernan riba e potret, ta haci mas grandi cu nan en realidad ta, pa presentacion di e conferencia di prensa di SIAD, cu a tuma luga awe mainta. Texto y foto cortesia Hilario Doncker.