SETAR ta trece un cambio fresco y moderno pa compaña su logo

ORANJESTAD - Hunto cu e cambio constante na Aruba, SETAR tambe a evoluciona cu stapnan grandi y a crece, birando e orguyo den telecomunicacion riba nos isla. SETAR tambe ta conta cu un identidad propio moderno. E logo di SETAR, tin un color “blauw scur”, cu ta representa un compania solido y di calidad, combina cu e “cora”, cu ta representa e dinamica di Telecomunicacion. Cu hopi orguyo, SETAR ta presenta tres elemento grafico, cu lo compaña e logo.

COLORNAN

SETAR ta agrega e colornan di lama, cu ta rondona nos isla y nos bandera, cu ta hunga un papel importante den nos bida diario. Un color fresco, transparente y como simbolo di un identidad propio, cu ta para pa inovacion y tecnologia. E figuranan transparente, ta bin uni den otro, simbolisando: cobertura, conexion, alcance y contacto. For di e bandera di Aruba, a saca e elementonan grafico y a incorpor’e den e identidad nobo. SETAR ta referi bek na nos tur, cu ta Arubiano of ta biba na Aruba, ora nos wak e imagen nobo di SETAR. Nos ta orguyoso, di nos propio identidad y di nos propio compania di Telecommunicacion na Aruba: SETAR.