Booshi Wever ta cuestiona Hard Rock Hotel den carta habri na minister

ORANJESTAD – Minister di turismo Otmar Oduber tin 2 siman pa contesta un cantidad di pregunta (lesa e carta habri aki) pa lider di partido politico Union Patriotico Progresista (UPP), Booshi Wever, relaciona cu e proyecto Hard Rock Hotel di e compania SouthWest Development. Den un carta habri (cu Wever lo suministra den tres pida), e ta haci e prome 4 preguntanan na Oduber. Gran parti di e preguntanan ta relaciona na informacion cu e conocido hotelero y autoproclama contrincante di Oduber, esta Jan de Ruijter a publica luna pasa riba e topico. E motibo pa e deadline segun Wever, ta pasobra e ora ey e deadline pa e proyecto lo ta vence.

A base di e carta di de Ruijter, Wever ta cuestiona gran parti di e relacion di famia den e compania y e obhetividad y relacion cu tur tin cu otro. Entre e preguntanan ta figura pa tin comprobante cu e compania ta di famia di e mandatario, cu ex miembro di partido Tico Croes ta lidera e grupo aki, si Oduber tabatin miedo pa bin dilanti cu informacion prome y cu si partidonan cu a ricibi e carta cu de Ruijter a manda pa varios instancia, cu Oduber a haya advertencia como contesta. E carta habri (lesa e carta completo aki) ta firma pa lider di e partido, Booshi Wever. Wever ta priminti cu e lo manda otro partinan di e carta den e proximo dianan.