Prome hotel cu a capitalisa riba eliminacion di visa pa colombiano

ORANJESTAD - E prome hotel na Aruba, cu a capitalisa riba e eliminacion di visa pa colombiano, tabata Divi Resorts. Un fiesta di playa, ofreci pa Divi Resorts den fin di siman ultimo, a celebra e eliminacion recien di rekisitonan di visa pa ciudadanonan colombiano. Manera ta conoci, efectivo e luna aki, Colombianonan por dicidi di viaha pa Aruba pa vakantie di un dia pa otro, na ultimo momento, sin planea esaki adelanta, y sin cu nan mester aplica pa un visa.

GRUPO ‘SIN VISA’

Un grupo di profesional di viahe di Colombia riba un viahe di familiarizacion pa e isla, a yuda lansa e movimento di Sin Visa, na Divi resorts, riba e playa, den presencia di director gerente Alex Nieuwmeyer, y gerente di mercadeo & promocion di e Isla, Tabitha Fecunda, cu un fiesta spectacular, pia den santo, cu un cena di buffet interactivo, un golf shoot out y un show di candela excitante. Aki por mira Aruba su prome grupo Sin Visa, ricibi na Divi Resort, na entrada di e lobby, cu un borchi digital di Sin Visa.     

E CAMBIO RIBA VISA

Manera ta conoci, Aruba Tourism Authority recientemente, a anuncia cu rekisitonan di visa a wordo elimina. Mientras cu esaki tabata den efecto ya pa e ultimo 12 aña, awo e no ta necesario mas. Cu un structura politico stabil y un economia stabil, Aruba awo ta yama bon bini na Colombianonan cu placa pa gasta na Aruba, como parti di e mescla di bishitante Latino y Sur Americano. Aruba a wordo bendiciona, cu e presencia di  23.836 bishitante Colombiano na 2014, y ta pronostica pa subi te cu mas di 32.000 pa 2016.