Sinterklaas ta laga e 150 mil florin di Mini Mega aden

ORANJESTAD - Diabierna ultimo, Lotto a pone 150 mil florin extra ariba e jackpot di Mini Mega, pa celebra Sinterklaas na grandi. Pa sorteo di diabierna 4 di december, no tabata tin ningun feliz ganado di e prome premio, pero Sinterklaas a dicidi di laga e premio di 150 mil florin keda ariba e jackpot. Esey ta nifica, cu e jackpot di Mini Mega pa prome biaha ta asina grandi na un comienso di un jackpot nobo.

LOTTO MAYAN

Pa mañan Mini Mega su jackpot ta crece y a bira 425 mil florin y Mega Plus a bira 125 mil florin. Esey kiermen, cu mañan anochi bo por gana e suma total di 550 mil florin, cu solamente 7 florin pa cada ticket di Mega Plus.

CUMPRA TEMPRAN

Lotto ta corda bo, pa cumpra bo ticket awe caba, ya cu esaki sigur ta un tremendo regalo, pa regala bo mes prome cu Pasco, of pa bo regala cualkier ser keri prome cu fin di aña. Bo por cumpra bo ticketnan di Mega Plus, na tur e rebendedonan di Lotto y na oficinanan di Lotto, na San Nicolaas y Oranjestad. No perde e chens aki y percura pa bo ta den wega, pa bira e siguiente ganado grandi prome cu Pasco y cu djis 7 florin so pa cada ticket. Disfruta di un tremendo fin di aña, caminda Lotto ta cla pa sigui cambia bida di su hungadonan!

TIPO DI WEGANAN DI LOTTO

Lotto, e loteria di Aruba tin 8 diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega y weganan di Raspa y Gana. Cumprando Lotto, bo ta contribui na deporte riba nos isla. Meta di e fundacion ta, pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.