Bouncer di club ta haya tiro mortal marduga

ORANJESTAD - Tabata 4:40am cu e melding a drenta, di un caso di bringamento cu tiro na de Olde Molen awe marduga, cu a laga un persona morto y otro seriamente herida. Ora cu dos bouncer di e club nocturno na e club a bai intermedia, a cuminsa un bringamento, unda un di e bouncernan a keda mortalmente herida. Informacion cu noticiacla.com tin, ta cu el a fayece na hospital mientras e otro ta herida, y tambe a wordo transporta pa hospital. Vocero di polis Lito Lacle a confirma, cu e bouncer cu a fayece, ta Damian Aldwayne C.A.miho conoci como 'Bongo', naci dia 26 di okt '78. Dokter Reeberg a constata morto 4.58 am. NoticiaCla.com ta manda palabra di condolencia na famianan di e fayecido.