Segun resultado inoficial oposicion ta bay cu victoria na Venezuela

CARACAS – Mientras cu oficialmente, e resultado oficial no a keda presenta ainda pa Secretaria General di Conseho Nacional Electoral (CNE) Tibisay Lucena, inoficialmente, e resultado di e eleccion parlamentario (Asamblea Nacional) di Venezuela, ta mustra di a bay pa oposicion. 'Casa' di e politico deteni Leopoldo Lopez, a manda un mensahe tambe confirmando cu oposicion a gana, mientras cu e Secretario Ehecutivo, di e 'mesa' di Unidad Democratico MUD Rubén Pérez Silva, den estado di Carabobo, ta mustra cu e resultado ta uno di mayoria contundente. Informacion cu ta papia di te hasta 113 diputado (mester di 86 pa tin e mayoria minimo) di e 167.

RESULTADO MEI ANOCHI

Segun Pérez Silva, no tabata spera e resultado final oficial, sino te despues di mei anochi di dialuna. “Te ora cu no duna e informacion cu e resultado ta ireversibel, no por papia di un resultado oficial” Pérez Silva a bisa NoticiaCla.com. E no tabata cla pa oficialmente declara e victoria pa oposicion, pero tur cos segun Silva, ta cu nan a gana un victoria convincente.

Foto Cortesia Tibisay Romero