Meteo a emiti ‘Advertencia pa biento duro’

ORANJESTAD – Despues cu Aruba a conoci varios advertencia di calor, awor nos a conoce un ‘advertencia pa biento duro’. Servicio meteorologico a emiti oficialmente e ‘Advertencia di biento duro’ en efecto di awe mainta 6’or te cu 10’or di mainta diabierna awor. E areanan afecta, ta e isla completo di Aruba.

SYNOPSIS DI UN ALERTA DI BIENTO

Segun servicio meteorologico, loke ta crea un alerta di biento duro, y cu ta necesario pa su alerta, ta pasobra un area di presion halto riba mar atlantico y un area di presion abou na Colombia, lo mantene diferencia grandi di presion den nos area. “Y asina tin aumento di biento fuerte y duro” e comunicado di e servicio meteorologico ta splica.

E FORZA DI BIENTO

E forza di biento lo ta 20 nudo (conopi) y ta anticipa cu ta rafaga te 35 y 40 nudo.

ACCION DE PRECAUCION

Como accion di precaucion, METEO ta pidi pa usuarionan di lama tene cautela riba lama. “ Mara obhetonan cu ta los pasobra nan por bula rond dor di e biento asina fuerte. Turistanan no mester bai leu den lama, especialmente entre banda costanan parti noord y oost. Adicionalmente tambe keda alerta entre waf y Manchebo beach hotel.