Gobierno ta reduci 7 miyon pa aña awor cu trahadonan ta pasa pa ANSA

ORANJESTAD – Desde dialuna e trahadonan di ANSA NV, tin nan prome CAO cu nan sindicato a logra firma pa nan. Desde prome di januari 2016 trahadonan lo pasa definitivamente over pa ANSA. Cu e CAO historico aki, ta reconoce e balor di cada empleado, mientras ta sigura inversionnan importante den ekipo y percura pa siguridad den aviacion. A considera esaki como un momento historico mirando cu ANSA ta un departamento completamente nobo. 

REDUCCION DI GASTO PA GOBIERNO

Gobierno esaki ta nifica cu awor e lo por reduci su gastonan riba e presupuesto cu mas of menos 6 pa 7 miyon florin cu awor ta wordo tuma over pa ANSA NV. ANSA ta crea un entrada for di e turistanan a traves di e aerolineanan cu ta bula bin nos isla. Minister Oduber ta sigui bisa: "Si turismo sigui bon, si nos pilar economico sigui bon, ANSA por ta sigur tambe cu nan compania ta sigui padilanti." Oduber ta comenta cu ta trata aki di un momento hopi special y kier a gradici y felicita gerencia y personal di ANSA, como tambe sindicato STA y Mediador cu e logro aki y ta desea ANSA NV tur clase di exito pa futuro.