Tramite den progreso pa tripulantenan di La Rumbera yega Aruba

ORANJESTAD - Informacionan ta sigui cambia. Contrario na e intentonan anterior, e tripulantenan cu a keda rescata awe tardi na Punto Espada, Colombia, nan fecha pa yega Aruba diripiente no ta sigur. Esaki ta nifica obviamente, cu nan no ta bolbe Aruba awe mas. Un rato pasa, NoticiaCla.com a haya informacion di canalnan oficial, cu esaki lo bira diamars, pero awor esey a cambia atrobe. Manera cu NoticiaCla.com a raporta anteriormente, prome minister Eman a bisa cu tabata haciendo tur tramite pa wak mas lihe posibel pa trece nan Aruba bek, y posiblemente awe nochi ainda. Pero esey no a keda cla cu ne, pa cual e tripulantenan ta keda drumi awe nochi na Punto Espada. Inicialmente a keda acorda cu den oranan di dialuna marduga, cu autonan priva di algun ciudadano di Aruba, lo a busca nan eynan y transporta nan pa Riohacha, unda cu nan lo a hospeda den e cas di un ciudadano conoci Arubiano, pa despues diamars nan coy buelo comercial via Bogota, pa Aruba. Esei awor ta cambia. NOTA: Foto di NoticiaCla.com ta di awe tardi ora cu prome minister Eman y personal di Warda Costa tabata haci tramite pa wak con liher por trece e tripulantenan bek Aruba.