Vigilando sistema di tempo cu ta drenta Caribe fin di siman

ORANJESTAD – Imagennan di satelite ta mustra cu un area di presion abou, den laman atlantico ta un posibel menasa pa e area di Caribe. Awacero acompaña pa strena cu lamper ta acompaña e sistema aki, cu tin 70 porciento chens den desaroya den un depresion sea diamars atardi of diaranson mainta. Y si esey sosode, e por finalmente bira un tormenta cu lo haya e nomber di nomber di Bertha. E tabata ubica 1600 miya oost di Isla Riba, y ta programa pa desaroya mucho mas miho. E ta moviendo direccion west cu un velocidad di 10 pa 15 miya pa ora. E chensnan pa formacion dentro di 48 ora ta 70% y den 5 dia esaki ta aumenta te na 80%. Ta mucho tempran pa bisa si e sistema aki por ta un menasa pa Aruba. Ta spera cu esaki lo ta mas serca di nos isla den careda di fin di siman.