Wardacosta Colombiano a tuma buskeda over

ORANJESTAD - Contrario na informacion cu ta circulando, ainda esnan riba e boto La Rumbera no a wordo localisa y rescata. For di e centro di operacion di wardacosta na Aruba, NoticiaCla.com a confirma cu Warda Costa di Colombia a tuma e buskeda over awor. Te cu un rato pasa ainda e avion di wardacosta di Reino Hulandes tabata esun buscando, pero a pasa esaki pa wardacosta di Colombia. "Nan ta buscando aworaki 'as we speak' ", e fuente di wardacosta a confirma na NoticiaCla.com. 

BUSKEDA TA CONTINUA

E ultimo update pues, ta cu " ainda e hendenan no a wordo rescata. Avion di Kustwacht a bula te poco rato ey. Avion di Colombia a neem over e buskeda. Si nan no wordo localisa pa mañan mainta, Kustwacht lo lanta avion atrobe pa sigui busca. Nos tin barco di marina "Friesland" tambe ta den area, pa asisti si e boto wordo localisa" ta e informacion confirma cu NoticiaCla.com a haya un rato pasa, di centro di operacion di wardacosta na Savaneta. E grupo di 9 persona a tene contacto breve, y nan tur ta riba e boto ainda. No mas cu ningun boto a logra yega serca nan ainda