Trabounan tumando lugar pa rescata esnan abordo di boto perdi

ORANJESTAD - Operacionan ta tumando lugar pa yega serca e boto La Rumbera serca di costa di Colombia. NO por confirma si e bapor hulandes Friesland a yega e area caba. No tin nada concreto di e detaye di e operacion, pero ekiponan venezolano y colombiano ta trahando pa e operacion keda completa mas lihe cu ta posible. For di e contacto di famia, Uri Croes, no tin mucho mas informacion tampoco, sino cu solamente tur hende ta haciendo lo posible pa rescata e 9 personanan riba e boto mas liher cu ta posibel. 

BAPOR HULANDES NA CAMINDA PA E SITIO

Mas prome, tabata tin informacion cu e bapor patruyero militar Hulandes Zr. Ms Friesland, ta na caminda pa e speedboat 'La Rumbera", mientras cu tin un helicopter yegando e area caba na La Guajira, unda cu a ubica e boto cu tabata perdi. Manera NoticiaCla.com a informa un rato pasa caba, tur persona abordo ta ok, aunke cu nan ta hopi cansa y cu awa cu tabatin, ta cabando. For di e vocero di e famia, Uri Croes, NoticiaCla.com a confirma cu fuera di Friesland, tin 8 lancha di Venezuela na caminda, y for di Aruba mes di tambe varios yate. Ta spera cu pronto tur por ta bek na Aruba. Loke no ta cla ainda ta si enberdad tin 10 of 9 persona abordo. Prome informacion divulga pa famia diabierna anochi, tabata cu tin 10 persona abordo. Awe mainta e cantidad a cambia segun warda costa, y cu lo ta trata di 9 persona. Ora cu a puntra Uri Croes, e no tabata mucho sigur mas cuanto persona tabata abordo. Importante ta awor, cu nan tur ta na bida, den bon salud, y cu pronto nan por ta na Aruba atrobe. Keda pendiente pa mas informacion.