Muher den caso atraco Excelsior Casino ta liber

ORANJESTAD - E muher di nacionalidad Colombiano  J.U.L , sospechoso # 4 den e caso di atraco di Excelsior Casino a recobra su libertad diabierna merdia. Su abogado Jose Figaroa a confirma esaki pa NoticiaCla.com diabierna merdia mes. Mientras cu e ta recobra su libertad, e ta keda un sospechoso te ora cu e caso bin dilanti. L. a cay cera dia 4 di november, y tabata e prome persona despues di e 3 Venezolanonan deteni, cu a cay cera tambe pa e mesun caso. Mientrastanto un total di 7 persona ta sigui deteni, ya cu diaranson un otro persona a cay cera pa e mesun caso, ora cu a detene na Bloemond. Cu e dama aki, e lo a aumenta na 8, pero esey no ta e caso mas. 

E CASO DI ATRACO MES

Tabata dialuna mainta 26 di october cu  tres persona fuertemente arma a tira un atraco riba Excelsior Casino na Holiday Inn Hotel na Palm Beach. E tres hombernan a drenta e lugar, mara esnan presente den e casino, y bay cu un botin basta grandi. Un siman despues nan a wordo gara den un operacion espectacular na Seroe Colorado.