Awe tin re-apertura di Joe Laveist Sport Park

ORANJESTAD – Awe nochi 7’or Aruba ta haya su Joe Laveist Sport Park bek, den un bachi completamente nobo. San Nicolas y Aruba en general ta cla awe pa apertura di nan joya di deporte cu "despues di lunanan di preparacion, canando paralelo cu trabounan di renobacion y construccion, ta habri su portanan oficialmente. E eventonan di celebracion ta cuminsa awe y lo sigui te cu diadomingo 29 di november 2015 den e facilidad deportivo aki.

APERTURA

Awe diabierna for di 7.00 di atardi ta tuma luga apertura oficial di e facilidadnan, den cual lo honra esunnan cu a sostene e sport park y grandinan den e mundo di deporte. “Take me back to the Ball Game!" lo ser scucha awe y abo tambe por t'ey pa canta y goza di e diferente actividadnan. Lo tin hopi premio disponibel.

FIREWORKS

Lo cende Fireworks espectatuclar pa asina, den forma simbolico, lo cende e luznan oficialmente den e park. Agrupacionnan musical manera Le Groove, Tsunami, Oreo y Mike’s Disco lo t'ey pa entretene un y tur. Tambe lo tin diferente foodstands y un kids corner.

ENCUENTRO INTERNACIONAL DI BASEBALL

Tin masha expectativa pa e encuentro internacional di baseball entre Corsou y Aruba. Wild Cats di Corsou lo enfrenta All Star Team di Aruba, mientras cu den Beach Volleyball lo tin 3 team masculino cu lo midi forsa cu e atletanan di Aruba. Boxeo tambe ta riba e lista di eventonan.Ta un honor pa mira asina hopi encuentro bek den Joe Laveist Sport Park.

MLB MADNESS

E "MLB Madness" cual lo tuma luga riba diasabra, caminda astronan grandi den Grandes Ligas lo t'ey presente pa duna bon torneo di Baseball. Entrada lo ta 10 florin pa adulto y 5 florin pa mucha. Despues di su apertura oficial Joe Laveist Sport Park ta bek na disposicion di San Nicolas y e comunidad di Aruba en general.