Aruparking: Empleado di Aruparking mester paga mescos cu tur hende

ORANJESTAD – Ningun momento e trahadonan di Aruparking a bay den accion di morocoy. Asina e compania ta clarifica pa medio di un comunicado awe, y como tal ta considera e informacion ey publica (pa otro medionan cu no ta NoticiaCla.com) como incorecto. Di otro banda, e compania ta confirma e noticia di NoticiaCla.com, cu tin disgusto entre algun di e parkeerwachternan cu tin cu para nan auto leu. “ Y como empleado di Aruparking nan tambe tin cu paga mescos cu tur otro hende” e comunicado ta sigui bisa. Y manera cu NoticiaCla.com a raporta tambe, mientrastanto gerencia di Aruparking ya a sinta cu nan (e parkeerwachternan) na mesa pa trece algun claridad riba e asunto aki. “ Reglanan actual di parkeo ta conta pa un y tur cu kier staciona nan vehiculo den centro di ciudad” e comunicado ta finalisa bisando.