Defensa hulandes: Venezuela no a menasa Aruba

ORANJESTAD – Venezuela no a menasa Aruba, segun declaracion di vocero di armada hulandes. Cuater bapor di guera di Venezuela tabata nabega banda di costa di Aruba dialuna, segun e vocero, y tabata trata di dos bapor di guera, un remolcador, y un nave di suministro. E vocero di marina na Corsou pues a desmenti diamars cu tabatin un menasa. "E forzanan militar venezolano tabata na caminda bek di un espectaculo di flota na occasion di e memorial di e bataya di Maracaibo na 1823” e vocero a bisa, staciona na Corsou. “Absolutamente no tabatin panico. Nos tabata na altura di nan mission”.

Tabataun  declaracion di oficialmente mericano cu a bisa cu Venezuela lo a menasa Aruba pa logra libera e ex general venezolano Hugo Carvajal, cu a trece henter e confusion segun vocero di defensa hulandes. Segun media mericano, Venezuela a uza presion economico y militar pa logra libera e ex general.

Tabata diadomingo atardi cu repentinamente a conoce buelta den e caso ora cu for di Hulanda a bin notificacion di minister hulandes Frans Timmermans cu toch a resulta cu Carvajal tabatin inmunidad politico. Riba e ‘descubrimento’ ey, a laga e ex general liber, pero a declar’e persona non grata pa cual e la bandona e isla mesora.