Arubiano solicita pa Merca, deteni na Colombia pa droga

CALI – E Arubiano Anthony M. a keda deteni dialuna ultimo riba peticion di Merca. Asina varios medio Colombiano a raporta awe. Segun e medionan, M. ta wordo considera un sospechoso den un caso internacional di traficacion di cocaina. E detencion mes a tuma lugar durante un control rutinario di persona di imigracion cu tabata controla un lista di huesped di un hotel. E Arubiano (cu ta wordo califica tambe como un Antiano y un ciudadano di Rotterdam, y un Boneriano residencia na Aruba) a keda deteni den pasado caba, relaciona cu e caso Zambezi di fraude y corupcion na Bonaire. E tempo ey, segun e informacionnan suministra, M. lo tabata exporta droga for Aruba pa Port Everglades na Florida. M. tabata riba lista di interpol ora cu el a wordo deteni na Colombia. No ta conoci ki tempo e lo wordo deporta pa Merca pa para responsabel pa su actonan.