A detene trahadonan di warda costa na Corsow!

WILLEMSTAD - Autoridad a detene trahadonan di warda costa na Corsow. Mando di Warda Kosta a duna señal algun tempu pasá ku posiblemente trahadornan di Warda kosta por ta metí den hechosnan kastigabel, entre otro lèkmentu di informashon na kriminalnan. E informashon aki a keda konfirmá via otro fuentenan.

Despues di evaluashon di e informashon aki na mei 2015 a inisiá ku un investigashon ordená dor di ministerio Públiko. A duna Landsrecherche di Kòrsou enkargo pa inisiá ku un asina yamá “opsporingsonderzoek”.  E investigashon yamá “Baywatch” a keda ehekutá dor di Landsrecherche konhuntamente ku  Rijksrecherche di Ulanda i Koninklijke Marechaussee ku asistensia di Kuerpo di polis di Kòrsou (KPC) i Recherche Samenwerkingsteam (RST).

Durante e investigashon a identifiká otro hechosnan kastigabel, entre otro envolvimentu na importashon di supstansianan adiktivo.

Awe, 25 di novèmber 2015, den kuadro di e investigashon na Kòrsou, a detené 7 persona. Ta trata di: Señora T.N.S.R., 29 aña señora N.F.T.R., 21 aña, e hòmber W.A. W., 34 aña, e hòmber O.E.S., 32 aña, e hòmber R.H.E.F., 32 aña, e hòmber Z.S.H.D., 29 aña, e hòmber M.P.B., 31 aña.

Entre e sospechosonan detené tin tres trahadó di Warda Kosta i un eks-trahado di e organisashon. Ta sospecha nan di entre otro korupshon, labamentu di plaka i violashon di Lei di opio. Durante e entradanan hudisial a konfiská a un arma di kandela, un montante konsiderabel di plaka kèsh, dokumento, vários telefòn i leptop i tambe na un adrès píldoranan di xtc.

A tene e entradanan hudisial bou di liderazgo di un Wes-komisario na dieskuater (14) adrès repartí over di Kòrsou.Ta presentá e sospechosonan djabièrnè dilanti Wes-komisario.