Alerta di biahe pa Mericano por afecta industria di turismo

ORANJESTAD – Merca su alerta di biahe pa su ciudadanonan ta encera tambe nos islanan, aunke e islanan Caribe no ta wordo mira como paisnan di risico. Merca ayera a manda un alerta di biahe pa motibo di un ‘aumento di risico pa atake terorista mundial”. E mensahe principal ta pa biaheronan Mericano tene cautela ora di biahe den exterior.

AFECTA NOS TURISMO

Aunke cu nos islanan no necesariamente ta wordo mira como paisnan di risico, e por tin efecto negativo riba turismo, den sentido cu turistanan lo evita na tur, pa sali di biahe awor, pa evita. E matutino di Corsou Extra a raporta awe mainta cu e por tin un influencia si biaheronan dicidi cu ta miho pa keda cas safe, en bes di biaha awor. Insel Air, y practicamente tur aerolinea Mericano ta biaha diariamente di Merca pa Aruba. No ta conoci con impactante e alerta aki lo ta pa nos. CEO di ATA Ronella Tjin Asjoe no por a duna comentario awe mainta debi na compromisonan e momento ey den exterior. NOTA:  Dick Dayer a coopera cu e raportahe aki.