“Opposites Attract by Atelier ’89 a desplega sin fin di talento

SAN NICOLAS – E fin di siman aki e ciudad ‘lubida’, San Nicolas tabata e centro di atencion pa un publico di por lo menos 500 invitado, cu a experencia arte den su miho forma. Guia bou di e experticio di e conocido Elvis Lopes, un cantidad di diseñado, modelo y mas, a presenta nan mes den e show di moda Opposites Attract, by Atelier ’89. Moda y arte diseña localmente a keda desplega den un forma unico, uzando un edificio den pleno ‘reconstruccion’, Nicolaas Store, como ‘backdrop' pa e evento aki.

TALENTO LOCAL

Guia pa diseñado Hulandes Mirte Engelhard, esnan presente a haya un bista di kico por localmente, y e comentarionan tabata grandi. “Aruba tin talento” tabata porta e comentario cu mas a resalta e anochi ey. Uno tras di otro, modelonan a demostra nan talento, desplegando arte y moda local diseña, comprobando cu na Aruba mes nos tin talento.