Tiara Air a haya luz berde pa sigui bula

ORANJESTAD - Mayoria di creditornan a aproba e plan di pago di Tiara Air den corte awe. Esaki ta nifica cu Tiara Air a haya luz berde pa continua cu su operacion awor. Propietario Alejandro Muyale a mustra satisfaccion pa cu esaki y a informa mesora cu lo anuncia e proximo rutanan y schedule di buelo di e aeroliña. Mesora el a gradici e creditornan pa nan confiansa. 

RESTRUCTURACION

Manera ta conoci, e aeroliña na september ultimo a reanuda su buelonan despues di un periodo di restructuracion. E no a pasa den su miho momentonan y mester a wordo supervisa pa un administrador apunta pa corte, durante nan periodo di restructuracion.